ماتطلبش انك تسأل، اسأل على طول.

من وقت للتاني، بيجي حد ويقول:

فولان:

حد يعرف جافا هنا؟

الطريقة دي وحشة جداً في السؤال لأكتر من سبب. هو الشخص ده عايز يقول:

فولان:

حد يعرف جافا هنا يساعدني في المشكلة بتاعتي اللي ممكن تطلع ملهاش علاقة بجافا اصلاً او لو حد مش عارف جافا ممكن يجاوب على سؤالي؟

في اسباب كتير ممكن تخلي الناس اللي عندهم خبرة مايجوبوش على سؤالك، سؤالك بيطلب اكتر ما انت فاكر.

انت كده بتحمل الناس مسئولية، اكنك بتختبر ثقتهم في قدراتهم. وكده غصب عنك انت بتخلي ناس ماتجاوبش على سؤالك، يعني انا ممكن لو فيه سؤال عن لغة برمجة انا معرفش عنها حاجة اقدر اجاوب عليه بالـ"سينس" كده.

بشكل تاني ممكن سؤالك يتشاف زي ما يكون:

فولان:

انا عندي سؤال عن جافا، بس انا مكسل اكتبه بشكل واضح لحد ما الاقي حد ياخد الخطوة ويعرض انه هيساعدني.

وده يعتبر كسل. لو انت مش عايز تتعب شوية عشان تكتب سؤالك بشكل كويس..ليه احنا هنتعب ونساعدك؟

الحل مش مجرد انك تسأل. لو فيه واحد بيقلب ولقى سؤالك اللي بيسأل غالبا مش هيرد عليك. بس صياغتك للسؤال وتوضيحك للمشكلة الفعلية ممكن يلفت نظر حد انه يجاوب على سؤاك.

عشان نلخص الموضوع..ماتسألش: "حد يعرف جافا هنا؟"، لكن اسأل:
"ازاي اعمل [كذا كذا] باستعمال جافا و [معلومات زيادة بتوضح اللي عايز توصله]"

مشاكل شبيهة تانية: مشكلة الـXY، لا مرحبا. اقرى حاجات اكتر: ازاي اسأل سؤال كويس؟، ولو عندك حبة وقت: ازاي تسأل سؤال بشكل ذكي.